Búin að vera frekar róleg helgi hjá okkur. Kíktum að vísu í innflutningspartý á fös en vorum bara komin snemma heim. Í gær var svo bara afslöppun, ég náði að vísu að komast vel inn í norska Idol-ið, þar sem þeir voru að sýna 3 þætti í röð!! Mjög skemmtilegt, norsku dómararnir voru líka mjög skemmtilegir, ekkert með eitthvað Bubba attitude.....ég hef því hér með ákveðið að ég ætla að fylgjast með þessu á föstudagskvöldum!

Í gærkvöldi ákváðum við svo að fara út að borða og varð tælenskur staður fyrir valinu. Ætluðum að vísu að prófa einn indverskan hérna í hverfinu, en þar var ekkert laust. Staðurinn var fínn, enda ekki hægt að búast við öðru þar sem Joachim prins og Alexandra kona hans eru víst fastagestir þarna:)
Í dag á svo að kíkja á verkefnið og hafa það náðugt.....