Hægt að sjá myndir frá Odense djamminu á síðunni hennar Ásdísar, www.hi.is/~asdiskri. P.s. ég hef alltaf jafn gaman af því að taka myndir af sjálfri mér!!!

Það var voða gaman hjá okkur stöllunum um helgina. Ég kom til Ástu upp úr hádegi á laugardaginn. Við röltum um bæinn og kíktum í búðir. Ásdís kom svo seinnipartinn og þá fórum við út í búð og keyptum í matinn, planið var að elda nautasteik en við erum svo miklar nánasir að við týmdum því ekki, þannig að við keyptum bara kjúkling, enda var hann á tilboði!!:) Við slöppuðum svo af og höfðum okkur til fyrir kvöldið og svo eldaði ÉG fyrir okkur kjúkling með pestó og rjómaosti og hrísgrjón með. Ásta bauð svo upp á þrist í dessert, sem vakti mikla lukku. Svo var haldið í læknanemapartý og þaðan í bæinn og þaðan á sveitta pizzabúllu og svo heim.

Tíminn flýgur áfram, ég hef alveg gleymt að láta í mér heyra. Þessa stundina er ég að gera program fyrir verkefnið mitt sem ég á að skila á þriðjudaginn. Það gengur ágætlega, fyrsta skipti sem ég geri svona lagað. Um helgina er Klakamótið í Árósum (íslensk áhugamannalið í fótbolta sem staðsett eru víðsvegar á Norðurlöndunum, aðallega í Danmörku þó- semsagt keppni og djamm). Þar sem Klakamótið er ekki fyrir konur á allan hátt þá ætla ég að bregða mér í heimsókn til Ástu í Odense og Ásdís ætlar líka að koma frá Kaupmannahöfn, það verður eflaust voða gaman hjá okkur:) Ég ætla þó að vera komin til Árósa uppúr hádegi á sunnudaginn svo að ég geti séð úrslitaleikina á mótinu, þar sem Hekla (Árósaliðið) verður ábyggilega í toppslagnum.

Jim and Mary were both patients in a Mental Hospital. One day while they were walking past the hospital swimming pool, Jim suddenly jumped into the deep end. He sunk to the bottom & stayed there. Mary promptly jumped in to save him. She swam to the bottom and pulled Jim out. When the medical director became aware of Mary's heroic act he immediately ordered her to be discharged from the hospital, as he now considered her to be mentally stable. When he went to tell Mary the news he said, "Mary, have good news & bad news. The good news is you're being discharged because since you were able to jump in and save the life of another patient, I think you've regained your senses. The bad news is, Jim, the patient you saved, hung himself with his bathrobe belt in the bathroom. I am so sorry, but he's dead."
Mary replied "He didn't hang himself, I put him there to dry."

Það er laugardagsmorgun og klukkan er að verða hálf ellefu og ég er löngu vöknuð, ekki vani hjá mér. Ástæðan fyrir því að ég tek daginn snemma í dag er að ég ætla að fara upp í City Vest(hálfgerður Glæsibær er samt stærsta "Moll" á Jótlandi) þar sem Signe vinkona mín er að vinna. Við ætlum að fara í matarpásunni hennar á barinn að horfa á kærastann hennar keppa á heimsmeistaramótinu í róðri. Ef þið fyrir einhverja tilviljun ætlið að horfa á þetta þá er hann næstfremstur í sínum bát og er vinstra megin, minnir mig. Annars hef ég kannski ekkert sérstakan áhuga á róðri, ætla bara að fara að horfa á þetta með henni svo að hún þurfi ekki að horfa á þetta ein með einhverjum hverfisbyttum. Tinna ætlar líka að koma með mér enda erum við að fara strax á eftir að horfa á Heklu spila við Smölf eða eitthvað álíka. Stefnum á að ná allavega lokamínútunum í þeim leik, í seinustu skipti höfum vð komið þegar leikurinn var búinn...Svo er bara frí á dagskránni þangað til í kvöld þar sem Raggi ætlar að halda upp á afmælið sitt, verður eflaust mikið stuð þar.

Ísbíllinn var að keyra hérna framhjá, maður á semsagt að hlaupa út og veiða bílinn ef manni langar í ís - hef nú ekki gert það ennþá, ekki eins og maður geti ekki farið út í sjoppu ef mann langar í ís. Annars var ég bara að koma heim úr skólanum og ætla bara að slappa af núna og frameftir kvöldi, vonandi er eitthvað í sjónvarpinu, til tilbreytingar. Annars leigðum við Shallow Hal í gær, hún var bara mjög fín, góðir karakterar í henni.

ryanair er að gefa milljón ferðir......

Gleymdi að nefna kickboxið, frekar fyndið. Ég og Tinna áttum að slást, keppni í þremur lotum. Við hlógum og hlógum, ákváðum að þetta ætti bara að vera jafntefli. Áttum líka að sparka í einhverja sekki og kýla í einhvern belg. Veit ekki alveg hvort ég láti sjá mig í þessum tíma aftur:)

Ég get glatt fólk með því að veðrið hjá mér er ekki jafngott og það var, fullt af skýjum og maður þarf NÆSTUM ÞVÍ að vera í peysu, hræðilegt. Annars er ég bara að fara að elda innan tíðar, glæsilegan mat: Bakaðar kartöflur með fyllingu(sveppir, laukur, maís, hakkaðir tómatar, rjómi ofl.) og salat (með fetaosti og ólífum). Ætli kvöldinu verði ekki eytt fyrir framan sjónvarpið eða etv í lærdóm, ef það er stemmning fyrir því:)

Í dag fann ég mér nýjan stað á teiknisalnum, uppvið glugga út í horni, alveg frábært - leit nefnilega út fyrir að ég ætti eftir að sitja á ömurlegum stað í vetur. Langaði bara að koma þessu að.....ekkert smá ánægð með þetta. Annars var ég bara að fá nýtt verkefni. Ég á að teikna gestaíbúðir fyrir fyrirtæki sem heitir Randers tegl. Hljómar mjög spennandi þetta verkefni, það er betra þannig!!! Annars ætla ég að reyna fyrir mér í Kickbox á eftir með Tinnu og við erum alveg viss um að við eigum eftir að slá í gegn. Ætli kvöldið verði ekki notað í að ná andanum aftur:)

Nunna situr í strætó. Þá kemur hippi upp í bílinn og sest við hlið hennar. Svo segir hippinn: "Heyrðu þú þarna, ertu ekki til í'ða?"
Nunnan: "Nei, það get ég ekki gert, ég er í þjónustu Drottins!" En hippinn gefst ekki upp og reynir enn og aftur, en nunnan afþakkar mjög ákveðið. Þegar strætó stoppar, þá ætlar hippinn að koma sér út, en stætóbílstjórinn bendir honum að tala við sig: "Ef þú ætlar að reyna að fá það hjá nunnunni, þá skal ég gefa þér ráð! Hún fer á hverju kvöldi um tíuleytið í kirkjugarðinn og liggur þar á bæn!" Hippinn þakkar góð ráð og ákveður að láta til skarar skríða: Kl. tíu um kvöldið fer hann í kirkjugarðinn í jesúsklæðum og gengur þar fram á nunnuna, sem liggur þar á bæn. Hann gekk fram fyrir hana og sagði ákveðinni röddu: "Ég er Jesús og hef fengið þá skipun frá Guði að gera það með þér, hér og nú!" Nunnan leit undrandi upp og sagði: "Ef þú ert raunverulega Jesús og Guð hefur gefið þér þessa skipun, þá taktu mig, en gerðu það vinsamlega aftan frá svo þú þurfir ekki að líta ásjónu mína." Eftir fimm mínútna villtan leik rífur hippinn jesúsklæðin af sér og hrópar:
"Plataði þig, ég er hippinn !!"
Þá kastar nunnan einnig klæðum sínum og hrópaði: "Plataði þig !! Ég er strætóbílstjórinn !!!

svo sem ekki mikið að gerast þessa stundina, bara að tékka hvort þetta sé eitthvað að virka hjá mér